Gmejna Njebjelčicy
z wjesnymi dźělami Wěteńca, Miłoćicy, Njebjelčicy, Pěskecy, Serbske Pazlicy.

Njebjelčicy leža na zapadnej kromje centralneho serbskeho sydlenskeho ruma a w dalokim dole Jawory. W zapadnym dźělu 420 wobydlerjow ličaceje wjeski přewažuja burske statoki a we wuchodnym dźělu jednoswójbne domy.

1304 so Petrus et Sifridus de Nebilschicz naspomnichu. Mjeno Njebjelčicy pochadźa ze staroserbskeho Nebělšici. K jednym na Neběl-š a k tamnym na Neběłk. Njebjelčicy wuwichu so najskěrje wokoło Allodium mjenowaneho kubła.

Krasna barokowa cyrkej nasta mjez lětomaj 1740 a 1743. Něhdyša třiwěžowa króna bu 1830 přez dźensnišu laternu wuměnjena. Twarski plan wosadneje cyrkwje steješe pod wliwom katolskeje dwórskeje cyrkwje w Drježdźanach. Zawěšće pak njebu přez Gaetano Chiaveri ale wot čěskeho mištra Zachariasa Hoffmanna nastajeny.

W Njebjelčicach narodźi so serbski publicist, lyrikar a powědar Jan Skala (1889 do 1945). 1972 dósta w byrgaskej iniciatiwje natwarjena pěstowarnja mjeno wótčinca.
Dalša znata w Njebjelčicach žiwa wosobina je moler Jan Buk.

Njebjelčicy wobsedźa bohate towarstwowe žiwjenje. Tak prócuja so na přikład cyrkwinski chór, wjesna skupina Domowiny, Sportowa jednotka Njebjelčicy a Domizniske a kulturne towarstwo Njebjelčicy wo aktiwne wjesne žiwjenje.

Žórła: Hans Neumann a Werner Schmidt, "Westliche Oberlausitz zwischen Kamenz und Königswartha", 1990; Heinz Kubasch, "Heimatbuch"

Harald von Niebelschütz - Gleinitz

Stawizny Haralda von Niebelschütz - Gleinitz móžeće tule čitać. Su naše Njebjelčicy zwjazani/přiwuzni z tamnišim splahom? [ "Nebelschütz" - Harald von Niebelschütz-Gleinitz ]



Sprache / Rěč / Language

Sprache auswählen

Anmelden / Přizjewić / Login

We use cookies

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.