Wuběr rěčow:

Nabožny tydźen

fota: LN

Jedyn njezapomnity tydźeń mějachu dźěći Njebjelčanskeje gmejny wot 15. - 19.07.2019 na kóždolětnym nabožnym tydźenju na farskim dworje w Njebjelčicach. 

Póndźelu so nabožny tydźen z kemšami w 9 hodź. zahaji. Po tutymi so wšitcy zeznajomnichu a slědowaše paslenje , n. př. su sej wětřikowe hry twarili. Wutoru běchu, po rańšich kemšach, zaso kreatiwne kmanosće dźěći žadane, nimo druhich aktiwitow so kamjeny namolowachu, připowěšaki zes so pomjeńšacej folije paslichu a na kóncu honjachu dźěći za šlipkami "Schnipseljagt". Jedyn wjeršk dawaše štwórtk, jako Njebjelčanska wohnjowa wobora dźěči mokrje přesłapješe. We wjacorych hrach móžachu so dźěći měrić:

  • wodowa stafla z trěnjom
  • běh z wodowymi bombičkami
  • tunlowa stafla
  • wodowa stafla z becherom
  • ławkowa stafla
  • pryskanje na cil
  • mjetanje na tyzy z hubicu

Wječor wotmeješe so, po přez hodźinu trajacych kemšach, rozžohnowanske grilowanje na farskim dworje w Njebjelčicach. Na poslednim dnju nabožneho tydźenja so džěći na pućowanje do parka sawrierow w Małom Wjelkowje podachu.

Wutrobny dźak knjezej fararjej Michałej Nawce a wosebje wšitkim pomocnikam, kotřiž su tutón tydźeń połnych dožiwjenjow zmóžnili.

 

 

 

Impressum und Datenschutz | Impresum a šškit datow
Partnerojo: http://www.heldhaus.de | http://www.am-klosterwasser.de | http://www.krabatregion.de