Młodźinski klub Njebjelčicy z.t.

Krótkopředstajenje

adresa	Hłowna dróha 9 01920 Njebjelčicy
załožene	1991
čisło w towarstwowym zapisku	VR 8190
předsydka	Měrćin Ričel
zastupjer	Sofia Bedrichec
pokładnik
čłonojo	45

Młodźinski klub Njebjelčicy zapisa so jako towarstwo dnja 8.02.1991. Tehdy nawjedowaštaj Ricarda Preuß  a Tomaš Zickmüller młodźinu. 1995 přewza Michał Purška wjednistwo a aktiwnje z młodostnymi dźěłaše.
Po nim ma hižo sydom lět Andrea Kubašec z lěta 2000 wotežki w ruce.
Młodźinski klub wulki dźěl dźěłow za młodźinu we wsy přewozmje kaž na př.:

- hajenje serbskich nałožkow: camprowanje, chodojtypalenje, stajenje a mjetanje meje
- přihotowanje a přewjedźenje swjedźeńskeho ćaha na gmejnskim swjedźenju
- stara so wo porjad w busowymaj čakarnjomaj pola Heldec hospody
- wukonja rjedźenske dźěła wokoło sportnišća a rěčki Jawory
- samostatnje organizuje a přewjedźe lětnje open-air-koncert
- wiće ranki ke kwasam a cyrkwinskim swjedźenjam

2004 - młodźinski klub dóstanje nowe rumy

W tutym lěće započnu Njebjelčenjo z wutwarom nowych rumnosćow při sportnišću. Stary klub w podzemju ma so za hinaše  zaměry wužiwać.  W prěnim poschodźe (nad starym klubom) nastanu rjane rumy za 45 młodostnych. Ideje za wuhotowanje maja woni sami. Tak su hač pod třěchu hrjady widźeć. Durje su rustikalne (ze stareho drjewa) zhotowjene wot pomocnikow gmejny. Při barbjenju so młodźina šeršowcow přima.