Wuběr rěčow:

Miłočanska žaba

W zbytkach lěsa na sewjer Miłoćic chowaja so wjacore kulowate kamjenje, wot kotrychž so jedyn kamjen přez swojoraznu podobiznu na žabu do wšelakich bajow Serbow zapřija.

Jónu powěda so wo zatutkanym Miłočanskim burje, kotryž stajnje pozdźe do nocy piješe. Za dwaj trojakaj mzdy wodźeše jeho Wódny muž  přeco domoj. Jako bě poněčim dwór a zamóženje přepił, njemóžeše wódneho muža hižo zapłaćić.
Rjaneho ranja chcyše mjeztym chětro rozhněwany Wódny muž z wulkim kamjenjom puć do dwora zaraćić. Ze strachom pak bur swój dołh zapłaći. Tak wódny muž skalisko zaso wotnjese a do gmejnskich kerkow ćisny, hdźež dźensa  hišće leži.  (Meiche 1903).

W dalšej baji so powěda wo pohanskim kuzłarju, kotryž křesćanskemu pućowarjej při wichorju a dešću nóclěh zapowě a jeho přebi. Na to dótkny so cuzy ze swojim pućowanskim kijom lózeho kuzłarja a  a přeměni jeho do kamjentneje žaby.

Wulki serbski basnik Jakub Bart-Ćišinski pisa w swojej baladźe "Miłočanska žaba" wo přićehnjenym grawoćiwym čłowjeku, kotrehož so Miłočenjo bojachu. Wěriwych ludźi wón wusměšowaše a ranješe.
Jako jónu k Swjatkam w prócesionje na Božu mšu do Njebjelčic putnikowachu, jich rjechtace žaby swarješe a kliwaše.
To přićahny nadobo z ranja strašne njewjedro nad Miłoćicy. Ćěkajo před wichorom, błyskom a hrimanjom pytaše nječłowjek w bliskej skale schow. Tola přepozdźe, z hrimotom a haru pušći so hoberske skalisko, podobne na žabu, a bohasměšerja zatłóči.

"Miłočanska žaba " měješe wot nětka być znamjo za to, kak Bóh hrěšnikow chłosta.

Der Froschstein besteht aus Granodiorit, der während der Elsterkaltzeit durch das Innlandeis überformt wurde. Er stellt einen der besterhaltendsten Rundhöcker der Oberlausitz dar und steht seit 1973, ebenso wie einige Rundhöcker in Form von Blöcken auf der Höhe von 193 m ü. NN, unter Naturschutz.

Quellen: Hans Neumann und Werner Schmidt, "Westliche Oberlausitz zwischen Kamenz und Königswartha", 1990; Heinz Kubasch, "Heimatbuch"

Foto: 2003, radyserb

Impressum und Datenschutz | Impresum a šškit datow
Partnerojo: http://www.heldhaus.de | http://www.am-klosterwasser.de | http://www.krabatregion.de