Gmejna Njebjelčicy wudźeržuje tři komunalne partnerstwa:

1. z pólskej gmejnu Namysłow, podpisane 04.04.1997 přez měšćanostu Adama Maciaga a wjesnjanostu Tomaša Čornaka w Njebjelčicach
   dale >
2. z čěskej gmejnu Hlučin, podpisane 27.08.2000 přez měšćanostu Petra Adameca a wjesnjanostu Tomaša Čornaka w Hlučinje
   dale >
3. z madźarskej gmejnu Ladánybene, podpisane 14.07.2002 přez měšćanostu Sándora Rácza a wjesnjanostu Tomaša Čornaka w Njebjelčicach
   dale >

W partnerskim zrěčenju wupraja zarjady a gmejnske rady swoju krutu wolu k zhromadnemu a mnohostronskemu gmejnskemu dźěłu. Wosebita kedźbliwosć so kulturje, wuměłstwje a derjeměću młodeje generacije přiměri. Partnerske gmejny chcedźa so na wutworjenju materielnych a duchownych tworow wobdźělić, kaž tež regionalne tradicije a stawizny hajić.

Zaměry zhromadneho dźěła su:

1. wuměna aktualnych informacijow a jich posrědkowanje wobydlerjam;
2. wudźeržowanje kontaktow mjez wšelakimi towarstwami;
3. wuměna nazhonjenjow a ekspertow;
4. wuměna dźěćacych, młodźinskich und sportowych skupinow;
5. podpěra kulturnych wuměnow, wosebje stajne wopyty gmejnskich zarjadowanjow;
6. zhromadne dźěło při wuwiću hospodarskeje, techniskeje a wobswětoškitneje infrastruktury;
7. podpěra wšelakich wobydlerskich iniciatiwow a
8. zwoprawdźenje druhich konkretnych idejow mjezygmejnskeho dźěła.

Foto: IX. mjezynarodny gmejnski swjedźeń, Njebjelčicy, 2000, Hanski