Wuběr rěčow:
/ CYRKEJ  / Jutry  / Procesiony  

Křižerske procesiony

W katolskej Hornjej Łužicy mamy dźewjeć křižerskich procesionow, w kotrychž přewažnje Serbja sobujěchaja. Jenož w Kulowje eksistuje wot započatka 19. lětstotka tež němskorěčny dźěl. Křižerjo spěwaja kěrluše, kotrež wo zrowastanjenju Jezusa Chrystusa jednaja.

Zwonka wjeskow modla so róžowc abo litaniju. W kóždym procesionje njesu křiž, cyrkwinske chorhoje a postawu zrowastanjenjeho sobu. Křižerjo su swjedźensce zwoblěkani a konje wosebje wupyšene. K pyšenju konja słuša mjez druhim jutrowny grat a pisana wušiwana sekla na wopuši. Corna sekla pokaza na žarołanje křižerja.

Křižerjo wobjěchaja cyrkej a kěrchow. Wosebje wozjewja woni zrowastanjenje Jězusa Chrystusa a modla so za zemrětych. Štóž so k prěnjemu razej na křižerskim procesionje wobdźěli, ma zeleny wěnčk přityknjeny. K jubilejam smědźa sej křižerjo slěborne "25" respektiwnje złote "50" přityknyć. 2001 jěchachu cyłkownje 1643 křižerjow w procesionach.

Žórło: Serbska kulturna informacija, "Jutry w Serbach", Budyšin 2002, internet: http://www.ski.sorben.com

Foto: Osterreiterprozession Nebelschütz in Jauer, 2003, radyserb

Časy křižerskich procesionow

procesion z do
wotjěcha - přijěcha
dompuć (preč-doma)
Budyšina Radworja 10:45 12:15 14:15 16:30
Ralbic Kulow 9:15 12:15 15:00 18:00
Kulowa Ralbitz 9:20 12:30 15:00 18:00
Chrósćic Pančic 12:30 14:30 15:30 16:30
Pančic Chrósćic 12:30 14:00 14:45 17:30
Radworja Baćonja 11:45 13:45 15:30 17:30
Baćonja Radworja 12:00 14:00 15:30 17:30
Njebjelčic Wotrowa 12:00 14:00 15:30 17:30
Wotrowa Njebjelčic 12:00 14:00 15:30 17:30

Kedźbu! Časy móža wo poł hodźiny wotchileć!

žórło: www.sorben.org

Impressum und Datenschutz | Impresum a šškit datow
Partnerojo: http://www.heldhaus.de | http://www.am-klosterwasser.de | http://www.krabatregion.de