Wuběr rěčow:

Křižerske procesiony

Njebjelčicy je teritorialnje najmjenša serbska farska wosada. Wona wobsteji z třoch wjeskow (Pěskecy, Serbske Pazlicy a Njebjelčicy). W lětach 1741 do 1743 natwarjena barokowa farska cyrkej so 1993 dospołnje ponowi. Jutrowne jěchanje so w Njebjelčicach 1769 wožiwi, po tym, zo so nałožk Třicećilětneje wójny dla přetorhny.

1758 so farska wosada Wotrow załoži. Hakle 1814 dowoli serbski biskop Franc Jurij Lok Wotrowčanam prawo na křižerski procesion. Tehdy nasta partnerstwo z Njebjelčicami. We Wotrowje eksistuje wosebitosć. Na ranšej jutrownej njedźeli jěchaja mužojo wokoło polow a proša wo dobre žně. Po wobjedźe započina so potom jěchanje do susodnjeje wosady.

2001 jěchachu w Njebjelčicach 122 a we Wotrowje 126 křižerjow w procesionomaj.

Žórło: Serbska kulturna informacija, "Jutry w Serbach", Budyšin 2002, internet:  http://www.sorben.com/ski

Foto: Křižerski procesion Njebjelčicy, Jawora, 2003, radyserb

Impressum und Datenschutz | Impresum a šškit datow
Partnerojo: http://www.heldhaus.de | http://www.am-klosterwasser.de | http://www.krabatregion.de