Domowina Ortsgruppe (Domowinska skupina)

Kurzvorstellung

Wotličenje skupinskeho dźěła lěta 2006

Wuchadźejo z programa župy "Michał Hórnik" "je naš hłowny nadawk zasadźeć so za zachowanje a spěchowanje, nałožowanje a šěrjenje serbskeje rěče w swójbnym a zjawnym žiwjenju kaž tež šěrić stawizniske znajomnosće mjez Serbami. Podpěramy wšitke prócowanja a skutki, kotrež su wusměrjene na zdźerženje, skrućenje a rozwiwanje Serbstwa. Zdobom zaběramy so ze serbskej kulturu. Wšelake kulturne zarjadowanja so wot čłonow w lěće 2006 wopytachu, so zdźěla přez nich organizowachu: Ptači kwas w Chrósćicach Rozbity karan" - dźiwadłowa hra w Njebjelčicach Wopyt oratorija "Podlěćo" w Smochćicach Nazymski koncert w Njebjelčicach "Złoty palc" - dźiwadłowa hra w Njebjelčicach

We wobłuku 15. Mjezynarodneho gmejnskeho swjedźenja su sobustawojo našeje skupiny w předawanskej budce jědźe předawali.
W swjedźenskim ćahu smy wuhotowali wobraz - "Technika w domjacnosći"
Wopytachmy wopomnjenske zarjadowanje na česć J. B. Ćišinskeho w Pančicach-Kukowje.

Za Krabatowe towarstwo smy wšelake teksty w sebskej rěči napisali.
Dźěławosć skupiny wuhódnoći so na přewjedźenej adwentničce.