Wuběr rěčow:

Ptači kwas

Dźěćacy nałožk ptačeho kwasa bě spočatnje drje jenož mjez serbsko-katolskej dźěćinu na wsach znaty. W běhu 19. lětstotka, jako přićahny wjace katolskich Serbow do łužiskich městow, zeznachu so z nim ewangelscy Serbja a Němcy městow a wokolnych wsow a přijachu tón za swój. Absolwenća Serbskeho wučerskeho wustawa w Budyšinje so wo to postarachu, zo bu nałožk po wšěj serbsko-němskej Łužicy rozšěrjeny, hłownje w pěstowarnjach a žłobikach, hdźež jón radlubje přewzachu a haja.

žórło: "Nałožki katolskich Serbow w běhu lěta” - Dom za serbsku ludowu kulturu

Tež naše dźěći w Njebjelčanskej pěstowarni swjeća kóžde lěto tutón rjany nałožk. Hač do lěta 1992 zdrašći so njewjesta běły šat.

Wot lěta 1993 zdrašća so dźěći serbsku narodnu drastu. Do toho so wulosuje, kotra budźe njewjesta, družka abo kmótra, štó nawoženja, braška, kapłan abo swat. Ći tamni dźěći su na ptački předrasćeni.

Dźěći so rano zahe wot hotowarniče zdrašća a potom so swjedźeń ze zhromadnej snědanju započina. Po tym poda so swjedźenski ćah do "Bjesady”. Tam předstaja dźěći program wjesnjanam a hosćom. Wjeseli ćahnu potom přez wjes wróćo do pěstowarnje.

Impressum und Datenschutz | Impresum a šškit datow
Partnerojo: http://www.heldhaus.de | http://www.am-klosterwasser.de | http://www.krabatregion.de