Maće móžnosć, w Miłočanskej skale  (někak 3 km wot Njebjelčic zdalenej) hač na dno nurić.  W lěće 2007 su so wudźěłki wuměłcow - wobdźělnikow na 2. Mjezynarodnej rězbarskej dźěłarničce  pod wodu schowali...
Dalše informacije k nurjenju nańdźeće pod: www.tauchen.de

Kóžde lěto w pózdnym lěću wotměje so rězbarska dźěłarnička wokoło skale. Wobdźěleja so tež wuměłcy z wukraja, dale pod: www.steinleicht.de

• wokoło lěta 1900 započa so wudobywanje kamjenja 
• tu leži zapodnołužiski granodiorit  
• ma hač na meter sylne chódby z dolorita, rady zerzawi, je swětliši hač  hornjołužiski zornowc, ma sylniši kontrast w barbje
• skała ma formu kotoła, kamjen łama so wot horjeka do hłubiny 
• za wudobywanje bě tam kranowa připrawa, kotraž pak bě hižo 1970 njedosahaca, hinaše technologija pak so ženje tam njezatwari
• geologiske přepytowanja z lěta  1970 rěči wo składźe 900.000 t, z nich su  500.000 t kmane za wudobywanje, t.r. 70 % kamjenja leži hišće we hłubinje 
• k skale słušachu: dwě dźěrje za wudobywanje, dźěłarnje, składowanišća, připrawy za předźěłanje, sanitarne rumnosće, připrawy za nakładowanje
• wotběh: točichu dźěry do kamjenja, rozbuchnychu sćěnu, wulki kamjen so z pomocu kabloweho krana ze skały zběhny, z lorkami k předźěłanju na wšelake družiny kamjenjow dowjezy
• 30.06.2000 zastachu kamjen łamać 
• 2001 kupi gmejna Njebjelčicy skału
• 2006 su ABM-dźěłaćerjo započeli spadane baraki wottorhać, wodowód wuporjedźić, milinowód nowy kłasć a.t.d.
• tak nasta za nurjakow-wotnajerjow  Tauchverein Freiberg rumnosć, dalša chěža hodźi so n.př. wužiwać při rězbarskej dźěłarničce (z lěta 2006) stej tam dwě rumnosći a nuznik
• po woli gmejny Njebjelčicy ma tam nastać kulturne srjedźišćo:  jewišćo za předstajenja pod hołym njebjom, zahrody z wšelakimi družinami sadu, zelowa zahroda, stajne městno za rězbarske dźěłarnički
• dotalni wobsedźerjo skały:
  - do 1957 firma Carsten Claussen, Wojerecy
  - wot 01.01.1957 firma Granitwerke Opitz u. Sohn, Biskopicy
  - 01.12.1988 VEB Lausitzer Granit Demitz-Thumitz
  - potym Haniel-Granitwerke
  - 05.01.1994 Boral Granit
  - 08.12.2000 Kamenzer Granitwerke, mějićel  R. Ziesche
  - 2001 gmejna Njebjelčicy