Informaciske zarjadowanje za wudźěłanje studije k móžnosćam
Dnja 22.februara 2022 wječor předstaji so w gmejnskej sydarni Njebjelčicy zjawnosći staw studije k móžnosćam do přichoda sahaceho zastaranja z energiju za gmejnu Njebjelčicy.
Studija ma pokazać, hač hodźi so wizija gmejnskeho energijoweho koncepta za naslědne a wnučkokmane zastaranje z energiju technisce a hospodarsce přesadźić. To zaruča pozdźiše zwoprawdźenje za wšitke wobydlerki a wšitkich wobydlerjow kaž tež zasydlene předewzaća.
Po witanju přez wjesnjanostu předstaji knjez Bellmann z energijoweje agentury Budyskeho wokrjesa projekt bliže. Knjez Hanzo Wylem Kell poda potom přehlad wo změnje we wobłuku energijoweho sektora a knjez dr. Schneider z Fraunhoferoweho instituta IEG w Žitawje rozprawješe wo móžnosćach zasadźić wobnowjomne žórła energije we wobłuku produkcije ćopłoty a knjez dr. Schmidt z Fraunhoferoweho instituta IWU informowaše wo móžnych formach, milinu a ćopłotu na krótki abo dlěši čas składować. Přizamkny so žiwa rozmołwa z wobdźělnikami zarjadowanja k předstajenym temam a kak so tute w studiji k móžnosćam wobkedźbuja.
Wšitke přednoški móžeće sej tule dele sćahnyć:
- Předstajenje projekta a wobdźěleni partnerojo (Marcel Bellmann, energijowa agentura wokrjesa Budyšin)
- Kulowate blido 1 – do přichoda sahaca produkcija zastaranje z elektriskej milinu z pomocu wobnowjomnych energijowych žórłow (Hanzo Wylem Kell)
- Kulowate blido 2 – přichodna produkcija ćopłoty a zastaranje z ćopłotu z pomocu wobnowjomnych energijowych žórłow (dr. Clemens Schneider, Fraunhofer IEG Žitawa)
- Kulowate blido 3 – přichodne koncepta składowanja rozdźělenja elektriskeje miliny a ćopłoty (dr. Sebastian Schmidt, Fraunhofer IWU Žitawa)
- Aktualny koncept gmejny hodźi so tule wobhladać a organigram namakaće pod tutym linkom.
Za prašenja steji Wam knjez Marcel Bellmann z energijoweje agentury Budyskeho wokrjesa jako narěčny partner telefonisce (03591 380 2100) abo přez mejlku (
Jako modelowa gmejna za wnučkokmane zastaranje z energiju
Wot 01. 01 2022 wudźěła konsorciji projekta wobstejacy z Wyšeje šule Žitawa/Zhorjelc, gmejny Njebjelčicy, priwatneho poradźowarja za energiju Hannesa Wilhelm-Kella a energijoweje agentury wokrjesa Budyšin studiju k móžnosćam za "wnučkokmane" zastaranje gmejny Njebjelčicy z energiju. 10. a 14.01.2022 wotmějachu so spočatne rozrěčenja ke koordinaciji prěnich aktiwnosćow.
Wobdźěleni su 2021 jedyn projektowy naćisk pola Swobodneho kraja Sakskeje přez spěchowanje "naslědnje z krizy" zapodali a po pozitiwnej wotmołwje su formalnu spěchowansku próstwu pola Sakseje natwarneje banki stajili. W cyłkownje 7 dźěłowych paketach budźe hač do kónca lěta 2022 přepytowane, hač hodźa so plany gmejny Njebjelčicy za wnučkokmane hospodarjenje ze zastaranjom z wobswětoškitnych žórłow, technisce a hospodarsce zwoprawdźić. To wšitko stanje so pod wobdźělenjom wšitkich akterow na městnje, zo bychu so tež potencielne inwestorojo namakali. Jako prěnje so aktualny staw tučasneje potrjeby a tučasneho dobywanja energije gmejny analyzuje. Přizamknu so koncepcionalne přemyslowanja k přichodnym dobywanju energije na bazy regeneratiwnych nošerjow energije, k wužiwanju a składowanju. Slěduje techniske a hospodarske posudźowanje móžnych konceptow. Z pomocu přiručki móza potom tež dalše komuny Njebjelčanskim přikładźe slědować. Kónc tuteho lěta budźe so tuta studija k móžnosćam zakónčić.
Wot januara 2022 hač do měrca 2023 zestajichu fakulta mašinarstwo wysokeje šule Žitawa / Zhorjelc, Fraunhoferskej zarjadnišći IEG a IWU ze Žitawy, energijowy poradźowar Hannes Wilhelm-Kell a energijowa agentura Budyskeho wokrjesa studiju zwoprawdźenja za wnučkokmane zastaranje z energiju w gmejnje Njebjelčicy. Studija podstaji hižo w lěće 2019 wot lokalnych akterow wudźěłany gmejnski energijowy koncept a přepytuje, kotre technologije a zastaranske koncepty hodźa so zmysłapołnje zwjazać, zo by wnučkokmane zastaranje zaručiło.
Z pomocu tak mjenowaneho bilancoweho kruha je zastaranje přetrjebarjow w komunje móžne. Manager bilancoweho kruha agěruje při tym jako něšto kaž „gmejnski skutk“. Wužiwarjo wotzamknu dodawanske zrěčenje z nim. Gmejnski zawod móže na městnje produkowanu milinu, na bazy regeneratiwnych nošerjow energije, kupcam dodawać. W časach nadprodukcije so tutón w baterijach abo wodźiku składuje resp. do milinoweje syće za zapłatk woteda. W času podprodukcije, n.př. pola ćmowych lawnow w zymje, wužiwa gmejnska twornja najprjedy składowanu milinu resp. nakupuje přez milinowu syć přidatnu milinu do bilancoweho kruha.
Studija dóńdźe k wuslědkej, zo je bjez wotedawkow a dawkow milinowa płaćizna wot něhdźe 24 ct / sobu wočakujomna. Płaćizna je tak přihódna, dokelž móža so płaćiznowe wobstatki milinowy dawk a syćowe zapłatki w rumnostnje wusko wobmjezowanym zastaranskim teritoriju, při wutworjenju wotpowědnych prawniskich zakładow, wotpadnyć resp. redukować. Z tym bywa milina wobydlerkam a wobydlerjam, předewzaćam a komunalnym přetrjebarjam dołhodobnje wo wjele tuńša.
Z na městnje produkowanej milinu móža tež zastaranje z ćopłotu w Njebjelčicach na zakładźe ćopłotnych klumpow zwoprawdźić. Zaměr zwjazkoweho knježerstwa a prognozy wodźacych studijow je nahladny wutwar ćopłotneho zastaranja na bazy tuteje technologije. Tuta budźe w Njebjelčicach pod wobkedźbujo zastaranje přez gmejnsku twornju za ćopłotne płaćizny nimale 10 ct / eurow móžno a móže tak niwow tepjenjow zemskeho płuna palneje hódnoty docpěć. W studiji so wuliči, zo je stopjeń zastaranja wot 55 % z na městnje produkowanej energiju hospodarski. Jeničce akterojo na městnje postajeja při tym tempo wutwara. Dokelž budźe zwoprawdźenje najskerje wjacore lěta wužiwać, trjebaja wšitcy wobdźěleni dołhi dych.
Swobodny stat Sakska spěchowaše naprawu z něhdźe 180.000 €přez spěchowanski program „Trajnje z krizy“. Dalšej 10.000 €móžeštej so přez mytowanski pjenjez myta eku přichoda přidać.
Studija móže so přez slědowacy link na webstronje wysokeje šule Žitawa / Zhorjelc sćahnyć ⇒
