Gmejna Njebjelčicy
z wjesnymi dźělami Wěteńca, Miłoćicy, Njebjelčicy, Pěskecy, Serbske Pazlicy.

Z wulkim pućowanjom ludow zasydlichu so w 6. lětstotku wšelake słowjanske kmjeny mjez Wódru / Nysu (Oder/Neiße) a Solawu / Łobjo (Saale/Elbe), mjez Rudnymi horinami (Erzgebirge) a Baltiskim morjom (Ostsee). K tutym zapadosłowjanskim kmjenam ličachu Milčenjo (Milzener) a Łužičenjo (Lusizer) w dźensnišej Hornjej a Delnjej Łužicy, jako kotrychž potomnicy so Serbja rozumja.

Serbja mjenuja so w Hornjej Łužicy "Serbja" a w Delnjej Łužicy "Serby". W němskorěčnym swójskim pomjenowanju wužiwa so nimo zapřijeća "Sorben" tež zapřijeće "Wenden". Wobaj zapřijeći dźetej wróćo na łaćonskej pomjenowani "Sorabi" a "Veneti".

Kultura a stawizny Hornjeje Łužicy su we wosebitej měrje ze Serbami zwjazane. Tutón najmjeńši słowjanski lud je sej hač do dźensnišeho swoju rěč a nałožki w němskej wokolinje zdźeržał. Tak přewjedźe so zjawne wuhotowanje z taflemi w serbskorěčnym sydlenskim rumje dwurěčnje. Wosebje nałožk křižerstwa je so z podawkom nadregionalneho zajima stał.

W gmejnje Njebjelčicy prócuja so mnohe institucije, towarstwa a jednotliwcy wo zachowanje a rozšěrjenje serbskeho kulturneho herbstwa. Jedyn z wjerškow je, nimo mnohich cyrkwinskich nałožkow, mjezynarodny wosadny swjedźeń.

Dalše informacije wo blišej wokolinje pod www.kamenz.de/ a tež pod www.bautzenerleben.de/

Sprache / Rěč / Language

Sprache auswählen

We use cookies

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.