Gmejna Njebjelčicy wudźeržuje wjacore komunalne partnerstwa:
- z pólskej gmejnu Namysłow, podpisane 04.04.1997 přez měšćanostu Adama Maciaga a wjesnjanostu Tomaša Čornaka w Njebjelčicach
- z čěskej gmejnu Hlučin, podpisane 27.08.2000 přez měšćanostu Petra Adameca a wjesnjanostu Tomaša Čornaka w Hlučinje
- z madźarskej gmejnu Ladánybene, podpisane 14.07.2002 přez měšćanostu Sándora Rácza a wjesnjanostu Tomaša Čornaka w Njebjelčicach
- z afrikanskej gmejnu Ouidah w Beninje, podpisane 11.12.2019 přez wjesnjanostku Clotaire Célestine Adjanohoun a wjesnjanostu Tomaša Čornaka w Ouidah podpisało. [wuměna ze šulerjemi Biskopćanskeho gymnazija a Beninom]
W partnerskim zrěčenju wupraja zarjady a gmejnske rady swoju krutu wolu k zhromadnemu a mnohostronskemu gmejnskemu dźěłu. Wosebita kedźbliwosć so kulturje, wuměłstwje a derjeměću młodeje generacije přiměri. Partnerske gmejny chcedźa so na wutworjenju materielnych a duchownych tworow wobdźělić, kaž tež regionalne tradicije a stawizny hajić.
Zaměry zhromadneho dźěła su:
- wuměna aktualnych informacijow a jich posrědkowanje wobydlerjam
- wudźeržowanje kontaktow mjez wšelakimi towarstwami
- wuměna nazhonjenjow a ekspertow
- wuměna dźěćacych, młodźinskich und sportowych skupinow
- podpěra kulturnych wuměnow, wosebje stajne wopyty gmejnskich zarjadowanjow
- zhromadne dźěło při wuwiću hospodarskeje, techniskeje a wobswětoškitneje infrastruktury
- podpěra wšelakich wobydlerskich iniciatiwow a
- zwoprawdźenje druhich konkretnych idejow mjezygmejnskeho dźěła
