- 2025 -2026 Saněrowanje farskeje cyrkwje swjateho Měrćina w Njebjelčicach
 |
 |
 |
|
| fota: J. Čornak |
Saněrowanje farskeje cyrkwje swjateho Měrćina w Njebjelčicach, fasada wěže a wobkromy z blachowym wodźěwom wokoło cyrkwje - so spěchuje w ramiku LEADER strategijoweho wuwića (LES)
Na cyrkwinej wěži a hłownym twarje cyrkwje su přez mokrotu twarske škody na wobkromach a wobmjetku nastali. Škody běchu chětro wulke a njenahladne. Dalše škody su so tež pod kamjentnej třěchu wěže zwěsćili.
Třěcha wěže, wobkroma a wobmjetk wěže buchu fachowje saněrowane. Po tutych dźěłach su so tři strony wěže z fasadowej barbu wobělili.
Dalše dźěła nastupajo wuporjedźenje wobkromy hłowneho twara cyrkwje sćěhuja w nalěću 2026.
Tute předewzaće so spěchuje přez směrnicu Sakskeho statneho ministerstwa za regionalne wuwiće k přesadźenju strategijow LEADER programa wot 2023 (spěchowanska směrnica LEADER/2023 wot 12.07.2023)
Spěchowanska sadźba je 70 % spěchowanskich kóštow.
Z tutym spěchowanskim předewzaćom so wuznamny wuměłski twar w Swobodnym staće Sakska, natwarjeny w lěće 1743 w barokowym twarskim stilu, zdźerži a hódnoći.
 |
-
2014 Wobnowjenje terasy wosadnicy
 |
 |
| fota: J. Čornak |
Spěchowanje k wobnowjenju wosadnicy
spěchowany: romsko-katolska fara "Swjateho Měrćina" w Njebjelčicach
LEADER-kónčina: Hornjołužiska hola a haty
projekt: wobnowjenje terasy při wosadnicy w Njebjelčicach. W lěće 1988 natwarjena terasa staše so přez wliw wjedra přeco bóle dezolatna a njemóžeše so wjace zjawnje wužiwać.
Po přewjedźenej fachowej inspekciji so rozsudźi, zo dyrbi so terasa přez twarsku firmu z techniku wottorhać. Přidatnje bě beton k stabilizaciji trěbny. Po tym slědowaše pjelnjenje z mineralowej měšeńcu a zhusćenje. Na kóncu su so terasowe plečicy w spliće suchje wupołožili.
Přez stworjenu runu płoninu je terasa nětko bjezbarjernje přistupna. Prjedawše schodźenki su so wotstronili.
Wobydlerjo Njebjelčanskeje gmejny, kaž tež hosćo so wjesela, zo wobsteji dźak spěchowanja po směrnicy Sakskeho krajneho ministerstwa za wobswět a ratarstwo k přewjedźenju wuwićowych LEADER strategijow (směrnica spěchowanja LEADER - RL LEADER/2014) wot 15.12.2014 móžnosć wobnowjenu terasu zaso wužić.
Přizwolene spěchowanje za přez ELER financowany projekt wučini 75% podpěrowych wudawkow.
spěchowane přez:
 |
 |
