Gmejna Njebjelčicy
z wjesnymi dźělami Wěteńca, Miłoćicy, Njebjelčicy, Pěskecy, Serbske Pazlicy.

wobraz: serbski kulturny archiw (CC BY-SA 3.0)
17.06.1889 Jan Skala narodźi so w Njebjelčicach jako syn skałarja a serbskeje šwalće.
1901 Po přechodnym wopyće tachanskeje šule w Budyšinje, móžeše jenož lěto na preparandźe Katolskeho wučerskeho seminara přebywać, dokelž njemóžeštaj staršej kubłanje dale płaćić.
1902-1916 So wukubławši na keramiskeho molerja a hornčerja w Kamjencu, dźěłaše we wšelakich kónčinach Němskeje w keramskej a chemiskej industriji; po wječorach so dalekubłaše.
1910 Jan wozjewi swoje prěnje basnje; do toho sćeleše hižo přinoški do němskich socialdemokratiskich nowin.
1916-1918 Jako wojak w Ruskej a na Balkanje puhłubši swoje znajomosće słowjanskich rěčow.
1918-1919 Dźěłaše w Berlinskim zastaranskim hamće a zastupi za čas spartakistiskich njeměrow do korpsa Berlinskeje wěstotneje policije; pozdźišo přewza dźěło w brónjowym hamće w Moabit.
1919-1920 Redigowaše Serbski Dźenik w Běłej Wodźe; bě sobuzałožićel Lužiskeje ludoweje strony a Serbskeho Sokoła; wuzwoli so na prěnjeho starostu Sokoła; wuda prěnju basnisku zběrku "Srjódki".
1921 Po dźěle w Budyskich Serbskich Nowinach přiwza městno při Praskej knježerstwowej nowinje "Prager Presse".
1924 Jan skutkowaše dalši raz pola Serbskich Nowinow.
1925-1927 Wobdźěli so na Europskich mjeńšinowych kongresach w Genfje a nawjaza kontakty z druhimi doprědkarskimi politikarjemi a pacifistami.
1925-1936 Redigowaše časopis Zwjazka narodnych mjeńšin "Kulturwehr".
1936 Zakaz žurnalistiskeho skutkowanja.
1937 Nawrót do Budyšina.
1938 Zawleče so wot Gestapo na třištwórć lěta so škitneje jatby w Drježdźanach.
1939-1943 Jan dźěłaše w Budyskich a Berlinskich předewzaćach.
1943-1945 Wućekny sej z bombardowaneho Berlina k swójbje swojeje mandźelskeje do Dziedzic w Hornej Šleskej; dźěłaše w Namysłowskich twornjach "Elektroakustik", hdźež wobstara pólskim antifašistam dźěło.
22.01.1945 Po witanju ruskich wójskow zahiny w Dziedzicach.

Dnja 1.9.1965 so swjatočnje poswjeći wot Domowiny postajeny pomnik serbskeho patriota Jana Skale w Namysłówje, Ludowa republika Pólska. Jan Skala bě z časa Weimarskeje republiki wusko zwjazany z bojom tehdyšeje pólskeje mjeńšiny w Němskej.


2005 - delegacija při pomniku w Namysłowje (PL)

2005 namyslow pl

22.01.2020 Česćenje k 75. dnju smjerće

22.01.2020 je so w Njebjelčicach Jan Skala składnostnje 75. smjertnemu dnjej počesćił. Pěstowarnja Jana Skale "Barbojte kamuški" prezentowaše mały program a po tym slědowaše połoženje kwětkow.

2020 ehrung75 1 2020 ehrung75 2

2020 ehrung75 3 fota: CR

2020 ehrung75 4

Sprache / Rěč / Language

Sprache auswählen

We use cookies

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.