Mnozy angažuja so wo kulturelne, ekologiske, hospodarske a infrastrukturelne wuwiće gmejny. K spěchowarjam wuwića tradicionelneho serbskeho sydlenskeho ruma słušeja na jednej stronje wobydlerjo Njebjelčanskeje gmejny sami a na druhej stronje wosobiny a institucije druhich kónčinow Němskeje a Europy. Wuraz tutych prócowanjow su nam spožčene wuznamjenjenja.
2021 EKU Sakske myto za přichod
Myto při projekće "wnučkokmane energijowe hospodarstwo za gmejnu Njebjelčicy" w kategoriji eku ideja komunow.
2017 Jadriwa wjeska
Spožćenje myta "Jadriwa wjeska / Kerniges dorf 2017" Zwjazkoweho ministerija za zežiwjenje a ratarstwo (BMEL).
2015 Sakske wubědźowanje "Nakrajne twarjenje"
2. myto při sakskim wubědźowanju "Nakrajne twarjenje" za projekt: Nowotwar ekologiskeje-kreatiwneje pěstowarnje "Jan Skala" Zahrodkowa 1a w Njebjelčicach w kategoriji "Nowotwar a dodatny twar" přepodate. Sposćenje myta dnja 26.11.2015 w Kumwałdźe.
- wopismo [⇒]
"Kraj a ludźo – Małe gmejny tworja sej swój přichod"
Wüstenrot-załožba ja wupisała po cyłej Němskej wubědźowanje „Kraj a ludźo – Małe gmejny tworja sej swój přichod". Štwórtk, 15. oktobra 2009 přewjedźe so sympozij a mytowanje w Forumje hrodoweho parka w Ludwigsburgu.
Gmejna Njebjelčicy je w třećej mytowanskej skupinje jedne z pjeć pjenježnych připóznaćow we wysokosći 1000 € dóstała „ za přetwar a wutwar něhdyšeje kehelarnje a sportoweho domu na towarstwowe a posłužbowe srjedźišćo, štož pokazuje wulki engagement byrgarjow." Wjesnjanosta Čornak přijima myto.
2009 Generacijske myto Sakskeje 2009
 |
|
|
 |
 |
 |
 |
 |
 |
 |
2008 Europske myto
Gmejna Njebjelčicy bu 26.09.08 w nižozemskim Koudumje z "Europskim mytom za cyłotne a trajne wuwiće a ponowjenje wsy z wuběrnej kwalitu" wuznamjenjena.
K tomu poda so bus z 50 ludźimi na puć k mytowanju. Posudk jurorow je "Njebjelčicy zawostajeja předewšěm hłuboki zaćišć ze swojimi iniciatiwami k zachowanju a wutworjenju dźěłowych městnow, ze swojim zamołwitym wobchadźenjom z resursami, z ponowjenjom starych a škita hódnych twarjenjow, z tworjenjom maćiznowych a energijowych wobtokow, ze zachowanjom a hajenjom serbskeje rěče a serbskich tradicijow a jich zhódnjenjom jako turistiskej jónkrótnosću kaž tež ze zhromadnosću w gmejnje a z partnerstwami po cyłym swěće, kotrež sčinja je k wotewrjenej wsy z přichodom".
Dobyćerka lěta 2008 je južnotirolska gmejna Sand in Taufers w Italskej.
Wjeski Europy před pruwowanjom!
Europske myto za ponowjenje wjeski 2008 - wubědźowanje mjez 29 wobdźělnikami z dwanaće narodnosćow dźe do druheho koła - pokazka najlěpšich wuwićowych projektow na kraju a we wsach - hesło 2008: "Přichod přez towaršnostne inowacije"
Srjedu, 28.05.2008 budźe sej skupinka posudźowarjow wot 14.30 do 17.30 hodź. Njebjelčicy wobhladać a hódnoćić. Potom je zhromadna wječer na swjedźeńskej łuce.
....dale čitajće prošu w němskej rěči....
2007 - 22. Zwjazkowe wubědźowanje "Naša wjes ma přichod"
 |
 |
Wosebite wobydlerske prócowanja při planowanju, zwoprawdźenju a hajenju wjesneho žiwjenja, krajiny a zhromadnosće připóznawajo a hódnoćejo, spožči so gmejnje Njebjelčicy, wokrjes Kamjenc, slěborna medalja.
Mytowanje dobyćerjow wotmě so 25.januara 2008 w Berlinje. Zwjazkowy minister Horst Seehofer a předsydźa hódoćenskich komisijow přepodachu wopismo a slěbornu medalju. Wuznamjenjenje přiwzachu wjesnjanosta Čornak, Wolfgang Kraus a Marhata Korjeńkowa.
Z gmejny Njebjelčicy běchu so 50 wobydlerjow z busom do Berlina podali. „Njebjelčanska Trójka“ wustupi na jewišću ICC.
Knjez Thieme ze sakskeho krajneho zarjada za ratarstwo je slědowacy přinošk wozjewił w časopisu Miłoćanskeho CSB z.t.
2006 - dobyćer 6. krajneho wubědźowanja "Naša wjeska dyrbi so porjeńšić - naša wjeska ma přichod" (Kraj Sakska)
- přepodaće myta 07.09.2006
- hódnoćenje [⇒]
2005 - dobyćer we wubědźowanju "komukatiwna komuna"
- myto w kategoriji "kónčina - serbske žro"
- myto za inowatiwne podpěranje
- přepodaće myta 08.07.2005
2005 - dobyćer 6. krajneho wubědźowanja "Naša wjeska dyrbi so porjeńšić - naša wjeska ma přichod" (wokrjesne wubědźowanje)
- přepodaće myta 28.09.2005
2004 - 2. městno w 6. krajnym wubědźowanju "Naša wjeska dyrbi so porjeńšić - naša wjeska ma přichod" (wokrjes Kamjenc)
2007 sakske krajne wubědźowanje wjesnjeho twarjenja
Architekturnemu běrowej Ulrich Hupfer spožći so za zapodaty projekt „wodowe hry Krabat Njebjelčicy“ wosebite wuznamjenjenje. Wopismo přepodachu w decembu w Drježdźanach Krajne towarstwo sakski škit domizny z.t. a Statne ministerstwo za wobswět a ratarstwo.
