André Bulang je wučeny zamkar ratarskich mašinow a je so zwonkapowołansce jako zarjadniski fachowc dalekubłał. Zhromadnje ze swojej žonu, dźěsćom a staršimaj bydli wón we wjesnym dźělu Miłoćicy gmejny Njebjelčicy.
Wot 1994 je pola Swobodneho stata Sakskeje přistajeny a dźěła tučasnje jako wěcywobdźěłar za datowy management a analyzu. W swobodnym času angažuje so w lokalnych towarstwach kaž "Kamjentna žaba Miłoćicy z.t." abo cyrkwinskim chórje w Njebjelčicach. Wón je rozžahły putnik a je dotal na najwšelakorišich čarach wot Santiaga de Compostela (Španiska) přez Rom (Italska) hač do Jerusalema (Israel) wjace hač 5.000 km wróćo połožił.
Z wodźacej sadu "Za sprawnosć, dialog a inwesticije do našich wsow" kaž tež ze swojimi planami jako přichodny wjesnjanosta přeswědči wón wobydlerki a wobydlerjow na 12.06.2022 za njeho hłosować.
Spřisahanje na čestnohamtskeho wjesnjanostu 01.09.2022
André Bulank je 01.09.2022 na 8. posedźenju gmejnskeje rady přisahu jako nowy wjesnjanosta złožił. Po tym přepoda jemu Maćij Cyža, jako najstarši radźićel, kwěćel a gratulowaše k nowemu zastojnstwu.
Ćežišća nadawkow:
- Zniženje nadpřerěznje wysokeho zadołženja gmejny a zawjedźenje strategiskeho financneho planowanja, kiž perspektiwy za inwesticije w přichodnych lětach wotewrja.
- Wuwiwanje swójbam přichileneje infrastruktury w kóždym wjesnym dźělu, zhromadnje z wobydlerjemi.
- Noworjadowanje a modernizowanje gmejnskeho dźěła.
