krótkopředstajenje
| wjesny dźěl |
Serbske Pazlicy/Pěskecy/Njebjelčicy |
| załoženje | 1967 |
| čisło w towarstwowym zapisku | --- |
| předsydka/-da | Silwija Hašcyna |
| zastupjer/-ka | Angelika Matješcyna |
| pokładnik/-ca | --- |
| ličba čłonow | 7 |
Našej skupinje přisłušeja 7 žonow wosady. Mamy nadawk, so wo starych a chorych ludźi našeje wosady starać.
Přeprošamy tři razy wob lěto staršich seniorow, chorych a samostejacych našeje wosady na bjesadu při šalce kófeja a přikusku. Poskičamy móžnosć so z awtom wotewzać. Při tym podběraja nas mobilni seniorojo. Na adwentničce, kotraž so wot gmejny a wosady zhromadnje organizuje staramy so wo pohosćenje.
Z małym darom gratulujemy senioram wot 70 kóžde 5 lět we mjenje wosady a wosadneho fararja k narodninam. W adwentnym času wopytamy seniorow wot 75 doma a přepodamy jim hodowny pakčik. Při tym wudźeržimy z nimi kontakt k wosadźe a sposrědkujemy na přeće kontakt k wosadnemu fararjej.
Při wosadnych swjedźenjach staraja so Hilžbjetki sobu wo přihot a pohosćenje.
Njewotwisnje wot Hilžbjetkow přewjedu seniorojo kóždu prěnju wutoru měsaca po rańšej Božej mši zhromadnu snědań we wosadnicy. Bjesada, hladanje fotowych přehladkow abo přednoški so poskića.
Wutrobnje přeprošujemy k sćěhowacym terminam:
Snědań za seniorow: 13.01.2026 / 03.02.2026 / 03.03.2026 / 07.04.2026 / 05.05.2026 / 01.09.2026 / 06.10.2026 / 03.11.2026 po rańšej Božej mši.
Adwentnička - póndźelu, dnja 14.12.2026 wot 15:00 hodź. w "Bjesadźe".
Bjesada a kófej - póndźelu, dnja 23.03.2026 a 17.10.2026 wot 15:00 hodź. we "Wosadnicy".
Lěćny swjedźeń seniorow wosady - póndźelu, 15.06.2026 na farskej terasy.
Potym lěćna přestawka hač do kónc awgusta.
